Gazeta Shqiptare

• Titulli: Spahiu: Te ndryshohet cilesia e gjykimit
  Publikuar nga Gazeta Shqip me 05-14-2008
  

Spahiu: Te ndryshohet cilesia e gjykimit

Nënkryetari i KLD-së, apel për përmirësimin e imazhit

Kreshnik Spahiu, ka nisur dje maratonën e prezantimit

të drejtuesve të rinj të gjykatave të rretheve dhe

apelit me prezantimin në Gjirokastër të kryetarit të

ri të Gjykatës së Rrethit Gjyqësor të Gjirokastrës,

Desat Avdulas, dhe kryetaren e re të Gjykatës së Apelit

në Gjirokastër, gjyqtaren Maria Qirjaqi, të cilët

zëvendësuan në këto poste përkatësisht Artan Lazen dhe

Tomor Skrelin. "Kemi hyrë në një fazë të re dhe mjaft të rëndësishme të reformës në drejtësi kur pas një gare të hapur e

transparente të konkurrimit të 54 gjyqtarëve për postet

drejtuese të gjykatave prezantojmë në terren tashmë

rreth 50% të drejtuesve të rinj të tyre, kur mund të

deklarojmë pa hezitim se kjo garë ia ka arritur

qëllimit të saj", tha Kreshnik Spahiu, nënkryetari i

Këshillit të Lartë të Drejtësisë gjatë ceremonisë së

prezantimit të drejtuesve të rinj të Gjykatës së

Rrethit Gjyqësor dhe asaj të Apelit në Gjirokastër.

Sipas tij, aplikimi i elementeve të reja që e bëjnë

sistemin gjyqësor me të hapur dhe më transparent do të

ndikojë në rritjen e autoritetit të drejtuesve të

gjykatave dhe imazhit të institucioneve të drejtësisë,

por gjithsesi, pa rritur cilësinë e gjykimit kurrsesi nuk

mund të ndryshojë imazhi dhe besimi i publikut te

këto institucione.

• kreu
• regjistrohuni
• arkiva
• kontakt
• reth nesh...