Gazeta Shqiptare

• Titulli: Bashkia, 3 mije leke studenteve
  Publikuar nga Gazeta Panorama me 05-15-2008
  

Bashkia, 3 mije leke studenteve

SARANDE - Studentë të filialit universitar të Sarandës, përfitues të një shume të akorduar nga bashkia e këtij qyteti, prej 3 mijë lekësh në muaj, kanë nisur ta tërheqin atë në sportelet e “Raiffeisen Bank”. 

Pavarësisht shumës, ajo vlerësohet si një ndihmë e konsiderueshme për lehtësimin e shpenzimeve të studentëve të ardhur nga rrethet në Sarandë. Me një vendim të posaçëm të këshillit bashkiak, kjo është bërë e mundur për të lehtësuar sadopak barrën financiare, që u duhet të përballojnë studentët e ardhur nga larg. Ollga Thomari, shefe e financës në filialin e universitetit tha se, janë 30 studentë që e kanë përfituar këtë trajtim financiar dhe procedurat kanë nisur e studentët i janë drejtuar sporteleve të bankës. Studentët e rretheve janë shprehur mirënjohës për këtë bursë, duke falënderuar me anë të një letre kryebashkiakun Edmond Gjoka.

• kreu
• regjistrohuni
• arkiva
• kontakt
• reth nesh...